အိန္ဒိယနိုင်ငံ၊ နယူးဒေလီမြို့တော်တွင် တည်ဆောက်နေသော မီထရိုစီမံကိန်း၏ ဆောက်လက်စ တံတားခန်းဖွင့်တစ်ခု တနင်္ဂနွေနေ့ (၁၂ ရက်နေ့)က ကျိုးကျခဲ့ရာ လူ ၅ ဦးသေဆုံးပြီး ၁၃ ဦး ထိခိုက်ဒဏ်ရာ ရရှိသွားကြောင်း သိရသည်။

ဒဏ်ရာရသူများအနက် ၂ ဦးမှာ စိုးရိမ်ဖွယ်ရာ အခြေအနေတွင် ရှိကြောင်း ဒေလီမီထရို ရထားကော်ပိုရေးရှင်းမှ တာဝန်ရှိသူ တစ်ဦးက ပြောကြားသည်။ ဒေလီ မီထရို ရထားလမ်း ကွန်ယက်ကို အကောင်အထည် ဖော်နေသည်မှာ ၆ နှစ်ရှိပြီ ဖြစ်သည်။

အဆိုပါ မတော်တဆမှုမှာ တနင်္ဂနွေနေ့ အစောပိုင်းက ဖြစ်ပွားခဲ့ခြင်း ဖြစ်ပြီး သေဆုံးသူများအနက် သုံးဦးမှာ နေရာတွင် သေဆုံးသွားကာ ၂ ဦးမှာ ဆေးရုံရောက်မှ သေဆုံးသွားခဲ့ခြင်း ဖြစ်သည်။ တံတားပြိုကျချိန်တွင် အဆိုပါ အလုပ်သမားများမှာ တံတားပေါ်သို့ လေးလံသည့် ကွန်ကရစ် ကြမ်းခင်းပြားများ တင်နေချိန်ဖြစ်သည်။ ဓာတ်ပုံများအရ ကွန်ကရစ်ယက်မကြီး တဖက်မှာ တံတားတိုင်ပေါ်တွင် တင်ကျန်နေပြီး အခြားတစ်ဖက်မှာ အောက်သို့ ပြုတ်ကျသွားခြင်း ဖြစ်သည်။ ထိုကွန်ကရစ်ယက်မကြီး၏ အောက်တွင်ရှိနေသော သံမဏိယက်မလည်း ကျိုးသွားသည်။

နယူးဒေလီ မီထရိုသည် အိန္ဒိယနိုင်ငံ၏ တတိယမြောက် မြို့ပြသယ်ယူပို့ဆောင်ရေး ကွန်ယက်တစ်ခု ဖြစ်သည်။ လူဦးရေ ၁၄ သန်းကျော်နေထိုင်ပြီး ၃.၂ သန်းခန့်သော ယာဉ်မျိုးစုံတို့ဖြင့် နေ့စဉ် ရှုပ်ထွေးကာ ပရမ်းပတာဖြစ်နေသည့် ယာဉ်ကြောများရှိရာ နယူးဒေလီမြို့အတွက် ဂုဏ်ယူဖွယ်ရာ မီထရိုကွန်ယက်လည်း ဖြစ်သည်။

ပြီးခဲ့သည့်နှစ် အောက်တိုဘာလက အလားတူ မတော်တဆမှုမျိုး ဖြစ်ပွားခဲ့ဖူးရာ လူ ၂ ဦးသေဆုံးပြီး အနည်းဆုံး ၁၁ ဦးခန့် ဒဏ်ရာရရှိခဲ့ကြောင်းလည်း သိရသည်။

ယခုဆောက်လုပ်နေသော မီထရိုကွန်ယက်စနစ်တွင် ရထားလိုင်း ၃ လိုင်းပါဝင်ကာ စုစုပေါင်း လမ်းအရှည် ၄၅ မိုင် (၇၅ ကီလိုမီတာ) ထိ ဖောက်လုပ်ပြီးစီးနေပြီ ဖြစ်သည်။ ၂၀၁၀ ခုနှစ် အောက်တိုဘာလတွင် ကျင်းပမည့် ဓနသဟာယနိုင်ငံများ အားကစားပြိုင်ပွဲမတိုင်ခင် ရထားလိုင်းများကို မိုင် ၆၀ (၁၀၀ ကီလိုမီတာ) အထိ ဖောက်လုပ်ပြီးစီးနိုင်ရန် အာဏာပိုင်များက ဖိအားပေးလျက်ရှိသည်။

လူထုအသံ အွန်လိုင်းဂျာနယ်တွင် ဖော်ပြပြီး

အပြည့်အစုံသို့ »

« အပေါ်သို့

Aboutcivil.com is growing rapidly to become the largest database of articles and lectures on civil engineering. You can get free download Civil Engineering softwares, lectures, notes and tutorials freely, easily and fastly.

http://www.aboutcivil.com

အပြည့်အစုံသို့ »

« အပေါ်သို့

ဒူ

ဘိုင်းမြို့တွင် လက်ရှိတည်ဆောက်နေသော အာရပ်ကမ္ဘာ၏ ပထမဆုံး မောင်းသူမဲ့ မြေအောက်ရထားလမ်း စီမံကိန်းကြီး ပြီးစီးသွားပါက ခရီးသည်များအနေဖြင့် လုံခြံစိတ်ချ၊ ဘေးအန္တရာယ်ကင်းရှင်းစွာ စီးနင်းနိုင်မည်ဖြစ်ပြီး စိုးစဉ်းမျှ စိုးရိမ်စရာ မရှိပါကြောင်း ဆွေးနွေးဖော်ပြချက်တစ်ခုကို အင်တာနက် သတင်းတစ်ပုဒ်မှာ ဖတ်ရှုလိုက်ရသည်။ ထိုမောင်းသူမဲ့ မီထရို၏ ပထမအဆင့်လမ်းပိုင်းကို လာမည့် စက်တင်ဘာ ၉ ရက်နေ့တွင် စတင်ပြေးဆွဲမှာ ဖြစ်ကြောင်း အဆင့်မြင့် အရာရှိတစ်ဦး၏ ပြောကြားချက်ကို ကိုးကား၍ Gulf News မှ အဆိုပါသတင်းအား ရေးသား ဖော်ပြခဲ့ခြင်း ဖြစ်သည်။

ဒူဘိုင်းမြို့ ကုန်းလမ်းပို့ဆောင်ရေး အာဏာပိုင်အဖွဲ့ (RTA)၏ ရထားပြေးဆွဲမှုဌာနမှ ဒါရိုက်တာဖြစ်သူ Ramadon Abdullah Mohammad က “ခရီးသည်တွေ လုံခြုံစိတ်ချစွာ စီးနင်းနိုင်ဖို့အတွက် နိုင်ငံတကာမှာ သတ်မှတ်ထားတဲ့ လုံခြုံမှု စံနှုန်းများနဲ့အညီ ကျွန်တော်တို့ လေ့လာစမ်းသပ်ပြီးတော့ သက်သေပြနိုင်ခဲ့ပြီးပါပြီ” ဟု ပြောကြားသွားသည်။ RTA မှ ဒါဟန်း (ယူအေအီးနိုင်ငံသုံး ငွေကြေး) ၁၅.၅ ဘီလီယံကို ၇၄.၆ ကီလိုမီတာ အရှည်ရှိမည့် မောင်းသူမဲ့ မီထရိုစီမံကိန်းအတွက် အသုံးပြုသွားမည်ဖြစ်ပြီး ၎င်းမီထရိုစီမံကိန်းတွင် အဓိက လိုင်း(၂)လိုင်း (အနီရောင်နဲ့ အစိမ်းရောင်) ပါဝင်မည်ဟု သိရသည်။

Gulf News သတင်းစာမှ မေးမြန်းခဲ့သော အင်တာဗျူးတွင် မောင်းသူမဲ့ မီထရို၏ လုံခြုံ စိတ်ချရမှုအပိုင်းနှင့် လက်ရှိလုပ်ငန်းဆောင်ရွက်မှု အခြေအနေများကို Mohammad မှ ပြည့်စုံစွာ ရှင်းလင်းပြောကြားသွားခဲ့သည်။ လူအများ၏ စိုးရိမ်ကြောင့်ကြမှုများဖြစ်သည့် ရထားစီးနင်းစဉ် roller coaster စီးရသကဲ့သို့ ခံစားရမည်ကို စိုးရွံ့ခြင်း၊ လမ်းချော်ခြင်း၊ ဥမင်တည်ရှိရာ နေရာများနှင့် ဘူတာများ၏ လုံခြုံစိတ်ချရမှုတို့နှင့် ပတ်သက်သည့် လူအများ၏ စိုးရိမ်ကြောင့်ကြမှု၊ မီထရိုစနစ်နှင့် ခရီးသည်များ၏ လုံခြုံစိတ်ချရမှု လုပ်ငန်းများကို ပြုလုပ်ဆောင်ရွက်ထားပြီး ဖြစ်ကြောင်း အဓိကထား ပြောကြားသွားသည်ကို တွေ့ရသည်။ Ramadon Abdullah Mohammad နှင့် Gulf News သတင်းစာတို့ တွေ့ဆုံမေးမြန်းခဲ့ကြသည်များကို လေ့လာသူများ အကျိုးအလို့ငှာ ဘာသာပြန်ဆို ဖော်ပြလိုက်ရပါသည်။

Gulf News: ဒူဘိုင်းမြို့ရဲ့ မီထရိုမှာ စီးနင်းလိုက်ပါသူ ခရီးသည်များအတွက် ဘယ်လိုမျိုး ဘေးကင်းလုံခြုံမှုတွေ စီစဉ်ထားပါသလဲ...။

Mohammad: ခရီးသည်တွေနဲ့ မီထရိုစနစ်တခုလုံးရဲ့ ဘေးကင်းလုံခြုံမှုဟာ RTA ရဲ့ ထိပ်တန်း ဦးစားပေးကိစ္စတစ်ခု ဖြစ်ပါတယ်။ ကမ္ဘာတဝှမ်းလုံးမှာ လေ့လာစမ်းသပ် အောင်မြင်ပြီးလို့ အသုံးပြုနေတဲ့ Automatic Train Protection (ATP) စနစ်ကို အသုံးပြုပြီး ရထားပြေးဆွဲမှုကို ကာကွယ်ထားပါတယ်။ တကယ်လို့ ရထားတစ်စီးစီးဟာ လမ်းမှာ ပျက်လို့ ရပ်တန့်နေခဲ့ရင် ထိုရထားရဲ့ အနောက်မှ ရထားအားလုံးကို အလိုအလျောက် ရပ်တန့်စေမှာဖြစ်ပါတယ်။ ဒါကြောင့် ရထားချင်းချင်း ရှေ့ရထားကို နောက်ရထားမှ ဝင်ရောက်တိုက်မိခြင်းမျိုး မဖြစ်နိုင်ပါဘူး။ ATP စနစ်မှ ကျွန်တော်တို့ကို ရထားများရဲ့ ရွေ့လျားမှု၊ တည်နေရာကို ပြောပြနေမှာဖြစ်ပြီး တကယ်လို့ ပြဿနာတစုံတရာ ဖြစ်ပွားခဲ့ရင် ၎င်းစနစ်မှ ရထားကို အလိုလျောက် ချက်ချင်းရပ်တန့်စေမှာဖြစ်ပါတယ်။ ဒီစနစ်မှာ ကျွန်တော်တို့ဟာ control room ထဲကနေပြီး ရထားအားလုံးရဲ့ တည်နေရာကို သိရှိနေနိုင်ပါတယ်။

Gulf News: လူအများစုက ဒီမောင်းသူမဲ့ ရထားများကို စီးနင်းရမှာကို အနည်းငယ် စိုးရွံ့ နေကြပါတယ်။ မောင်းသူမဲ့ ရထားများရဲ့ အလုပ်လုပ်ပုံကို အနည်းငယ် ရှင်းပြစေလိုပါတယ်...။

Mohammad: ဒါကအရမ်းကို ရိုးစင်းပါတယ်။ ရထားတွေကို central control room ကနေပြီး computer များနဲ့ ထိန်းချုပ်မောင်းနှင်တာ ဖြစ်ပါတယ်။ ကွန်ပြူတာများမှာလည်း extra protection အတွက် ကောင်းမွန်တဲ့ software backup စနစ်များရှိပါတယ်။ အကယ်၍ ရထားမှာ ပြဿနာတစုံတရာ ဖြစ်ပွားပြီး control room မှ ထိန်းချုပ်မောင်းနှင်မရခဲ့ရင်တောင် ရထားထဲမှာပါတဲ့ ရထားအမှုထမ်းမှ ရထားကို အနီးဆုံးဘူတာသို့ manually ထိန်းသိမ်း မောင်းနှင်သွားနိုင်မှာ ဖြစ်ပါတယ်။ ခရီးသည်များကို ကူညီဖို့နဲ့ ဘေးကင်းလုံခြုံမှုစနစ်ကို ပိုမိုသေချာစေဖို့အတွက် ရထားတိုင်းမှာ အနည်းဆုံး ရထားဝန်ထမ်းတစ်ယောက် ပါရှိမှာ ဖြစ်ပါတယ်။

Gulf News: ရထားများနဲ့ ဘူတာများကို ဘယ်လိုစောင့်ကြည့်မှတ်သား စစ်ဆေးမှာပါလဲ…။

Mohammad: ရထားများ၊ ဘူတာများနဲ့ မီထရိုလိုင်းများကို စောင့်ကြည့်မှတ်သား စစ်ဆေးဖို့ စနစ်တစ်ခု ရှိပါတယ်။ ရထားများရဲ့ ပတ်ပတ်လည်နဲ့ ဘူတာများ၊ ဥမင်အတွင်းမှာ ကင်မရာများကို တပ်ဆင်ထားပါတယ်။ အပူတိုင်းကိရိယာများနှင့် မီးသတိပေး အချက်ပြစနစ်များကိုလည်း တပ်ဆင်ထားတာ ဖြစ်ပါတယ်။ တကယ်လို့ ဘူတာ (သို့မဟုတ်) လမ်းပိုင်းတနေရာရာမှာ ပြဿနာတစုံတရာရှိခဲ့ရင် ရထားများကို အလိုလျောက် ရပ်တန့်စေမှာဖြစ်ပါတယ်။

Gulf News: ရထားများ လမ်းချော်သွားစေနိုင်တဲ့ အခြေအနေများရော ရှိပါသလား...။

Mohammad: လမ်းချော်သွားစေနိုင်တဲ့ အခွင့်အလမ်းကတော့ အရမ်းကို နည်းပါးပါတယ်။ အင်မတန် ဖြစ်တောင့်ဖြစ်ခဲပါ။ မီထရို ပြေးဆွဲမှုကို တရားဝင် စတင်မလည်ပတ်ခင် ဇူလိုင်လကစပြီး စတင်ဖွင့်လှစ်တဲ့နေ့အထိ ကျွန်တော်တို့ရဲ့ဘေးကင်းလုံခြုံမှု စီမံချက်အနေနဲ့ စနစ်ကြီးတစ်ခုလုံးကို အပြည့်အဝ လည်ပတ်မောင်းနှင် စစ်ဆေးကြည့်မှာ ဖြစ်ပါတယ်။ ဒါ့အပြင် ကျွန်တော်တို့အနေနဲ့ မနက်ခင်းတိုင်းမှာ ရထားလမ်းတွေရဲ့ လုံခြုံစိတ်ချမှု အပြည့်အဝရှိတယ်ဆိုတာကို ပိုမိုသေချာစေဖို့အတွက် sweeping train လို့ခေါ်တဲ့ ရထားအလွတ်တစ်စီးနဲ့ လမ်းကြောင်းတလျှောက် မောင်းနှင်စစ်ဆေးမှာဖြစ်ပါတယ်။

Gulf News: အရေးပေါ် အခြေအနေတွေမှာ မိုးပျံလမ်းပိုင်း (elevated tracks) များနဲ့ ဥမင်အတွင်းမှ လူများကို ဘေးကင်းရာကို ရှင်းလင်းဖယ်ထုတ်မယ့် evacuation plan အကြောင်းကိုလဲ သိချင်ပါတယ်...။

Mohammad: ဒူဘိုင်းမီထရိုမှာ ပြီးပြည့်စုံတဲ့ evacuation plan တစ်ခုကို ထည့်သွင်း ဆောင်ရွက်သွားမှာဖြစ်ပါတယ်။ ပထမဦးစားပေး သတ်မှတ်ချက်အနေနဲ့က ရထားကို manually မောင်းနှင်ပြီး အနီးဆုံး station ကို ပို့ဆောင်မှာဖြစ်ပါတယ်။ တကယ်လို့ အဲဒီအစီအစဉ် မဖြစ်နိုင်ခဲ့ရင်လည်း ခရီးသည်များကို ရထားလမ်း(track) များပေါ်ကို ဆင်းသက်ဖို့ ခွင့်ပြုမှာဖြစ်ပါတယ်။ ရထားလမ်းတွေအပေါ်မှာ ခရီးသည်များ လမ်းလျှောက်ပြီး အနီးဆုံး evacuation point ကို အရောက်သွားနိုင်စေဖို့အတွက် walkway များထားရှိပါတယ်။ evacuation point တွေကို နိုင်ငံတကာ သတ်မှတ်စံနှုန်းများအရ အကွာအဝေး ၇၀၀ မီတာတိုင်းမှာ ထားရှိပေးထားပါတယ်။ တကယ်လို့ ခရီးသည်များဟာ မိုးပျံတံတား (elevated tracks) များပေါ်မှာ ရောက်ရှိနေခဲ့ရင်လည်း အောက်ကို အလွယ်တကူ ဆင်းသက်နိုင်စေဖို့ လှေခါးများကို တပ်ဆင်ပေးထားပါတယ်။ ဥမင်များမှာလည်း ventilation funs များအသုံးပြုပြီး gas များကို ဖယ်ထုတ်တဲ့ စနစ်ကို အသုံးပြုထားပါတယ်။

ရထားမှာရှိတဲ့ ၀န်ထမ်းများ အားလုံးကိုလည်း ဆိုးရွားတဲ့ မတော်တဆဖြစ်ရပ်တွေမှာ ရဲများနဲ့ ဆေးဘက်ဆိုင်ရာ အကူအညီများ မရောက်ရှိလာနိုင်သေးခင်မှာ ရှေးဦးသူနာပြု (first aid) အနေနဲ့ ကူညီနိုင်စေဖို့အတွက် first response team အဖြစ် ကြိုတင်လေ့ကျင့်ပေးထားမှာ ဖြစ်ပါတယ်။

Gulf News: Shaikh Zayed လမ်းမကြီးတစ်လျှောက်မှာ ပုံမှန်အားဖြင့် အနိမ့်မြင့်မတူညီတဲ့ မိုးပျံတံတားလမ်း (elevated track) တွေကို မြင်တွေ့ရတဲ့အတွက် လူအများစုက ယုံကြည်နေသလို ဒူဘိုင်းမီထရိုမှာ roller coaster စီးနင်းရသလို ခံစားမှုမျိုးဖြစ်စေမလား…။

Mohammad: (ရယ်လျက်) မဟုတ်ပါဘူး။ ဒါဟာနားလည်မှုလွဲနေကြတာပါ။ ဥမင်တွေထဲမှာတောင် သံလမ်း(track) တွေကို မှန်ကန်တဲ့ နည်းလမ်းတွေ ဒီဇိုင်းတွေနဲ့ တည်ဆောက်ထားကြတာပါ။ ဒါပေမယ့် စီးနင်းလိုက်ပါသူများအနေနဲ့ မတွေ့မြင်နိုင်ပါဘူး။ ဒါ့အပြင် ခရီးသည်များဟာလည်း အဲဒီလို အနိမ့်အမြင့် မညီညာစွာ မောင်းနှင်နေတာကိုလဲ မခံစားရပါဘူး။ ရထားရဲ့ အရှိန်ဟာလည်း ပုံမှန်အရှိန်နဲ့ပဲ မောင်းနှင်နေမှာဖြစ်ပါတယ်။

Gulf News: ရထားတွေအတွက် နေ့စဉ်အလုပ်လုပ်တဲ့ operational hour နဲ့ ဘယ်လောက်မြန်မြန် မောင်းနှင်နိုင်တယ်ဆိုတာကိုလည်း သိချင်ပါတယ်။

Mohammad: ရထားတွေဟာ လိုင်းပေါ်မှာ မနက် ၅ နာရီကနေ ည ၂ နာရီအထိ ရှိနေမှာဖြစ်ပေမယ့် တကယ်တမ်းမှာ နံနက် ၆ နာရီကနေ ည ၁၂ နာရီထိပဲ ပြေးဆွဲမှာဖြစ်ပါတယ်။ ရထားတစ်စီးဟာ တစ်နာရီကို ၁၁၀ ကီလိုမီတာနှုန်းနဲ့ မောင်းနှင်နိုင်ပေမယ့် ဘူတာ အရေအတွက် များတဲ့အတွက် ပျမ်းမျှအရှိန်ကတော့ တစ်နာရီကို ၄၀ ကီလိုမီတာကနေ ၄၅ ကီလိုမီတာနှုန်းလောက်ထိပဲ မောင်းနှင်မှာဖြစ်ပါတယ်။ ညပိုင်းမှာ ရထားပြေးဆွဲမှု လုပ်ငန်းစဉ်များ ပြီးဆုံးတဲ့အခါမှာ ရထားများဟာ Rashidiya၊ Al Qusais နှင့် Jebel Ali Industrial area တို့မှာရှိတဲ့ depots သုံးခုမှာ ရပ်နားပြီး maintenance လုပ်ငန်းများကို လုပ်ဆောင်မှာဖြစ်ပါတယ်။

Gulf News: မီထရို ဘူတာရုံတွေမှာ pedestrian crossing လို့ခေါ်တဲ့ ခြေကျင်လမ်းဖြတ်ကူးရန် နေရာများကိုရော ဘယ်လိုထားရှိမှာပါလဲ…။

Mohammad: Pedestrians crossing များကို ၂၄ နာရီဖွင့်ထားမှာ ဖြစ်ပါတယ်။ ဘူတာရုံများပိတ်ပြီး ရထားတွေသွားလာမှုတွေ ရပ်တန့်ထားတဲ့ ညပိုင်းမှာတောင် pedestrians crossing ကိုဖွင့်ထားမှာဖြစ်ပါတယ်။ ထို crossing များကို ပလက်ဖောင်းတွေမှာ သီးခြားတည်ဆောက်ထားပြီး လူတိုင်း အသုံးပြုနိုင်အောင် ဒီဇိုင်း လုပ်ထားပါတယ်။

Gulf News: ဘူတာတခုကို ဆိုက်ရောက်လာမယ့် ရထားတစ်စင်းနဲ့ တစ်စင်းကြားက အချိန်အပိုင်းအခြားကိုရော ဘယ်လောက်ထားရှိပါသလဲ…။

Mohammad: Peak hours (မနက်ခင်း၊ နေ့လည်ခင်းနဲ့ ညနေခင်း) တွေမှာ ဘူတာတစ်ခုကို ဆိုက်ရောက်လာမယ့် ရထားနှစ်စင်းကြား အချိန်အပိုင်းအခြားဟာ ၃ မိနစ်နဲ့ ၄ မိနစ်ခန့် ကြာမြင့်မှာဖြစ်ပါတယ်။ ခရီးသည် အသွားအလာ နည်းချိန်တွေမှာတော့ ရထားနှစ်စင်းကြား ကြာမြင့်ချိန်ဟာ ၅ မိနစ်ကနေ ၆ မိနစ်ထိ မြင့်တက်သွားမှာဖြစ်ပြီး လူအသွားအလာ အင်မတန်နည်းပါးတဲ့ အချိန်တွေမှာဆိုရင်တော့ ၁၅ မိနစ်လောက်ထိ ကြာမြင့်နိုင်ပါတယ်။

Gulf News: ဘူတာနှစ်ခုကြားက link ပျက်စီးသွားခဲ့ရင် ဘယ်လိုလုပ်မလဲဆိုတာ သိချင်ပါတယ်…။

Mohammad: တကယ်လို့ ဘူတာနှစ်ခုကြားမှာရှိတဲ့ link ဟာ အကြောင်းတခုခုကြောင့် ပျက်စီးခဲ့ရင် ကျွန်တော်တို့ အနေနဲ့ bus service နဲ့ ထောက်ပံ့ပေးပါမယ်။ အဲဒီ service ကို degraded operation လို့ခေါ်ပြီး အဲဒီအစီအစဉ်က ၁၅ မိနစ်အတွင်း အသင့်ဖြစ်မှာ ဖြစ်ပါတယ်။

Gulf News: ရထားများနဲ့ ဘူတာရုံများကို ရမ်းကားဖျက်ဆီးမှုတွေကိုရော ဘယ်လိုတားဆီး ကာကွယ်မှာပါလဲ…။

Mohammad: ကျွန်တော်တို့အနေနဲ့ ခရီးသည်များကိုသာမက ရထားများ၊ ဘူတာများနှင့် လမ်းကြောင်းများရဲ့ လုံခြုံ စိတ်ချရမှုတွေအတွက်ကိုပါ ရည်ရွယ်ပြီး ဆောင်ရွက်မှာဖြစ်ပါတယ်။ မီထရိုရဲများကိုလဲ ဒူဘိုင်းရဲတပ်ဖွဲ့ကနေ ထုတ်နှုတ်ဖွဲ့စည်းထားပြီး ဘူတာရုံများမှာ စောင့်ကြပ်နေမှာဖြစ်ပါတယ်။

ခရီးသည်များရဲ့ လုံခြုံရေးအတွက် ဘူတာရုံများနဲ့ ရထားတွဲတိုင်းမှာ ကင်မရာများတပ်ဆင် ထားရှိမှာ ဖြစ်ပါတယ်။ ဘူတာများနဲ့ ရထားများမှာ အသုံးပြုထားတဲ့ ဆောက်လုပ်ရေး ပစ္စည်းများဟာလည်း ဟေလိုဂျင်နဲ့ toxics မပါတဲ့ မီးခံပစ္စည်းများ ဖြစ်ပါတယ်။ ရထားတွဲများ၊ ဘူတာများကို ပျက်စီးစေမှုနဲ့ ခရီးသည်များကို အန္တရာယ်ဖြစ်အောင် ပြုလုပ်ခြင်းများအတွက် ဒဏ်ငွေများနဲ့ အပြစ်ဒဏ်များကို နောက်ပိုင်းမှာ ကြေညာမှာ ဖြစ်ပါတယ်။

Gulf News: မီထရိုဘူတာရုံများနဲ့ လမ်းပိုင်းများကို ကာကွယ်ဖို့အတွက် မြေငလျင်ဆိုင်ရာကုဒ်များကိုရော လိုက်နာဆောင်ရွက်ထားပါသလား…။

Mohammad: ဟုတ်ကဲ့။

Gulf News: မီထရိုကို လည်ပတ်နိုင်ဖို့နဲ့ ပြုပြင်ထိန်းသိမ်းနိုင်စေဖို့အတွက် လူအရေအတွက် ဘယ်လောက်များ လိုအပ်မှာပါလဲ…။

Mohammad: ကျွန်တော်တို့မှာ operation and maintenance အတွက် လူဦးရေ ၃၂၀၀ လောက် လိုအပ်မှာဖြစ်ပါတယ်။

Gulf News: ရထားကို မောင်းနှင်ပြေးဆွဲရန်အတွက် လျှပ်စစ်ဓာတ်အား ဘယ်လောက်လိုအပ်ပါသလဲ…။

Mohammad: ကျွန်တော်တို့မှာ လမ်းကြောင်းတွေကို လျှပ်စစ်ဓာတ်အားပေးနိုင်တဲ့ စက်ရုံအပိုတစ်ခု အပါအဝင် လျှပ်စစ်ဓာတ်အားပေးစက်ရုံ ၃ ခုရှိပါမယ်။ လမ်းကြောင်းတွေပေါ်က ဓာတ်အားလိုင်းတွေကိုတော့ လျှပ်စစ်ဓာတ်လိုက်မှုများ မဖြစ်စေရန်အတွက် လျှပ်ကာပစ္စည်းများနဲ့ အကာအကွယ်လုပ်ထားပါတယ်။

Gulf News: ရထားတစ်စီး ဘူတာမှာရပ်နားချိန် ဘယ်လောက်ကြာမြင့်မှာပါလဲ…။

Mohammad: ပုံမှန်ရပ်နားချိန်ကတော့ ခရီးသည်တွေကို အတင်အချလုပ်ဖို့အတွက် ၁၅ စက္ကန့်ကနေ ၂၀ စက္ကန့်လောက်ထိကြာမှာ ဖြစ်ပါတယ်။ ခရီးသည် အသွားအလာအရမ်းများတဲ့ ဘူတာရုံတွေမှာတော့ စက္ကန့် ၃၀ လောက်ထိအောင် ရပ်နားပါမယ်။ ပလက်ဖောင်းတွေမှာ တပ်ဆင်ထားတဲ့ ကင်မရာများကလဲ အခြေအနေအားလုံးကို စောင့်ကြည့်မှတ်သားထားမှာဖြစ်ပြီး ရထားတံခါးကို တမင်သက်သက် ပွင့်စေအောင် ပြုမူမှုတွေအတွက် ဒဏ်ငွေများကောက်ခံရန် ဆောင်ရွက်မှာဖြစ်ပါတယ်။

Source: Don't worry about safety of metro

Related posts
1. ဒူဘိုင်းမီထရို Health Care City လမ်းပိုင်းပြီးစီးမှု အခြေအနေ
2. Metro train test-run in Dubai
3. Dubai metro project news
4. Dubai Metro Station Construction
5. အာရပ်ကမ္ဘာရဲ့ ပထမဆုံး မီထရို

အပြည့်အစုံသို့ »

« အပေါ်သို့

ဒီတခေါက် Ebook-5 မှာတော့ တူရကီနိုင်ငံ အစ္စတန်ဘူလ်မြို့ Kadıköy- Kartal Metro project မှာ အလုပ်လုပ်ခဲ့ပြီး ယခု မဟာဘွဲ့အတွက် စာတမ်းရေးနေတဲ့ တူရကီ စက်မှုအင်ဂျင်နီယာ Sami Enis ARIOĞLU နဲ့ အဆက်သွယ်ရလို့ သူပေးပို့တဲ့ စာအုပ်များကို ပြန်လည် ဝေမျှပေးလိုက်ပါတယ်။

1.Mechanized urban tunnelling machine technology2007.pdf
The 3rd Training Course, ITA-AITES

2.Mechanized Tunnelling In Urban Areas.pdf
Vittorio, Guglielmetti, Piergiorgio Grasso, Ashraf Mahtab & Shulin Xu

3.Shield Tunnelling Technology to Mitigate Geotechnical Risks
Markus Thewes

4.Hard rock tunnel boring machines.pdf
B.Maidl, L.Schmid, W.Ritz, M.Herrenknecht

5.ITA-AITES World Tunnel Congress & 31th General Assembly, 2005, Istanbul, Turkey.part1.rar

6.ITA-AITES World Tunnel Congress & 31th General Assembly, 2005, Istanbul, Turkey.part2.rar

7.ITA-AITES World Tunnel Congress & 31th General Assembly, 2005, Istanbul, Turkey.part3.rar

8.ITA-AITES World Tunnel Congress & 31th General Assembly, 2005, Istanbul, Turkey.part4.rar

9.ITA-AITES World Tunnel Congress & 32th General Assembly, April 22-27, 2006, Seoul, Korea.part1.rar

10.ITA-AITES World Tunnel Congress & 32th General Assembly, April 22-27, 2006, Seoul, Korea.part2.rar

11.ITA-AITES World Tunnel Congress & 32th General Assembly, April 22-27, 2006, Seoul, Korea.part3.rar

12.ITA-AITES World Tunnel Congress & 34th General Assembly, September 19-25, 2008, Agra, India.part1.rar
(.rar extension ပြန်ပြောင်းရန်)

13.ITA-AITES World Tunnel Congress & 34th General Assembly, September 19-25, 2008, Agra, India.part2.rar
(.rar extension ပြန်ပြောင်းရန်)

Credit to: Sami Enis ARIOĞLU

အပြည့်အစုံသို့ »

« အပေါ်သို့

MyMetroworld ၂ နှစ်ပြည့်

များစွာသော စက်မှုဆိုင်ရာ လုပ်ငန်းများ တပ်ဆင်ခြင်းကို ဥမင်တူးဖော်သည့် အစဦးလုပ်ငန်းများ၊ အကြမ်းထည် လုပ်ငန်းများ၊ ဥမင်နံရံ တပ်ဆင်ခြင်း လုပ်ငန်းများနှင့်အတူ ပြုလုပ်ရသည်။ နောက်ပိုင်းတွင် ပြုလုပ်ရမည့် နည်းပညာဆိုင်ရာ ဆက်စပ်ပစ္စည်းများ တပ်ဆင်ခြင်း အားလုံးကို ပထမဆုံး စီမံကိန်း စတင်အကွက်ချသည့် အဆင့်၌ပင် တည်ဆောက်မည့် ဥမင်၏ အရွယ်အစား (စက်ဝိုင်းပုံဥမင်တွင် စက်ဝိုင်းအချင်း) ကို မထိခိုက်စေခြင်း၊ ကုန်ကျမည့် စရိတ်များကို ထည့်သွင်း တွက်ချက်ခြင်း တို့ကို ပြုလုပ်ပြီး ကြိုတင် လုပ်ဆောင်ရသည်။

ဥမင်၏ အလျား၊ တည်ဆောက်ပုံ အမျိုးအစားနှင့် အသုံးပြုခြင်းတို့အပေါ်တွင် မူတည်၍ နည်းပညာဆိုင်ရာ ဆက်စပ်ပစ္စည်းများကို စဉ်းစားရွေးချယ်ရာတွင်လည်း အမျိုးမျိုး ကွဲပြားနိုင်သည်။ ဥပမာအားဖြင့် မီးရထားလမ်း ဥမင်အတွက် လိုအပ်သည့် ပစ္စည်းများသည် မော်တော်ကားလမ်း ဥမင်တွင် လိုအပ်မည့် ပစ္စည်းများနှင့် မတူကွဲပြားခြားနား ပေသည်။

လျှပ်စစ်နှင့် စက်မှုဆိုင်ရာ ပစ္စည်းများကို ရွေးချယ်ရာတွင် ၎င်းပစ္စည်းများ၏ အစိတ်အပိုင်းများကို လွယ်ကူစွာ ပြန်လည်ပြုပြင်နိုင်ရန် အလွန်အရေးကြီးသည်။ အဓိက အရေးအကြီးဆုံးမှာ အလွယ်တကူ ဝင်ထွက်နိုင်မှုနှင့် တောင့်တင်း ခိုင်မာမှုတို့ ဖြစ်သည်။ ဝင်ထွက်နိုင်မှု ခက်ခဲလျှင် ပြုပြင်ထိန်းသိမ်းရန် အတွက် အချိန်ကြာမြင့်မည်ဖြစ်ပြီး၊ အကျိုးဆက် အားဖြင့် ကုန်ကျစရိတ် ပိုမိုပေသည်။ ကြိုတင်တွက်ချက်မှု အမှားများကြောင့်လည်း နောက်ပိုင်း အသုံးပြုနေသည့် ကာလများတွင် ပြုပြင်ထိန်းသိမ်းစရိတ် မြင့်မားနိုင်သည်။

တစ်ခါတစ်ရံတွင် ရာသီဥတု ဆိုးရွားဖောက်ပြန်မှုများနှင့် နည်းပညာပိုင်းဆိုင်ရာ အခြေအနေများ (ဥပမာ- စိုထိုင်းဆ အလွန်များခြင်း၊ အပူချိန် ပြောင်းလဲမှု မြန်ခြင်းနှင့် မြေပြိုခြင်း) ကို လျှပ်စစ်နှင့် စက်မှုဆိုင်ရာ ဆက်စပ်ပစ္စည်းများ ရွေးချယ်စဉ် အချိန်ကပင် ထည့်သွင်း ပြုလုပ်ရသည်။ သို့မှသာ အသုံးပြုမှု အတွက် လုံခြုံစိတ်ချရသည့် ပစ္စည်းများကို ထည့်သွင်း တပ်ဆင်သွားနိုင်မည်။ အလွယ်တကူ ပျက်ဆီးနိုင်သည့် နည်းစနစ်များနှင့် ပေါက်ကွဲ ပျက်ဆီး လွယ်သည့် စနစ်များကို တတ်နိုင်သမျှ ရှောင်ကျဉ် သုံးစွဲ သွားရမည်။

ဥမင်အတွက် အရေးကြီးသည့် တပ်ဆင်မှု အချို့မှာ အောက်ပါအတိုင်း ဖြစ်သည်-

၁) ရေပေးဝေခြင်း
မြေအောက် ဥမင်များတွင်လည်း မြေပေါ် အဆောက်အဦးများကဲ့သို့ ရေပေးဝေခြင်းနှင့် ရေထုတ်ခြင်း စနစ်များ ရှိရမည် ဖြစ်သည်။ အချိန်တိုင်းတွင် ရေပမာဏများစွာ ရရှိရန် မဖြစ်နိုင်၍ ကျန်းမာရေးဆိုင်ရာ ပစ္စည်းများ တပ်ဆင်ခြင်းကို ဒုတိယ အနေဖြင့်သာ စဉ်းစားရသည်။ ဥမင် တည်ဆောက်နေစဉ် နှင့် နောက်ပိုင်း အသုံးပြုနေသည့် ကာလ နှစ်ခုလုံးတွင် လုံလောက်သည့် မီးသတ်ရန်ရေ ရရှိရမည် ဖြစ်ပေသည်။

၂) ရေစွန့်ထုတ်ခြင်း
တစ်ခါတစ်ရံတွင် ဥမင်၏ ပတ်ပတ်လည်တွင် ရေများဝန်းရံ နေတတ်သည်။ ထိုအခြေအနေမျိုးတွင် ဥမင်ကို ပျက်ဆီးစေခြင်း သို့မဟုတ် ဥမင်အတွင်းသို့ ရေဝင်ရောက်ခြင်း တို့ကို ကာကွယ်နိုင်ရန် သင့်လျော်သည့် နည်းစနစ်များဖြင့် ရေကို လမ်းလွှဲပေးခြင်း၊ သို့မဟုတ် ရေထုတ်စနစ် ထားရှိခြင်း နှင့် ရေစုပ်စက်ဖြင့် ရေစုပ်ထုတ်ခြင်းတို့ ပြုလုပ်ရသည်။

၃) လေဝင်/ထွက် စနစ်
ဥမင်၏ လမ်းကြောင်းနှင့် အသုံးပြုသည့် ယာဉ်များအပေါ် မူတည်၍ စက်မှုဆိုင်ရာ လေဝင် လေထွက် စနစ်များ လိုအပ်သည်။ စွန့်ထုတ်ဓါတ်ငွေ့များကို ဥမင်အတွင်းမှ ဖယ်ရှားခြင်းနှင့် သန့်ရှင်းသည့်လေ ပေးဝေခြင်းတို့အပြင်၊ လေဝင် လေထွက်စနစ်တွင် ဥမင်အတွင်းမှ မီးခိုးများကို မီးလောင်မှုဖြစ်ပါက ဖယ်ထုတ်နိုင်ရန် အတွက်ပါ စီမံဆောင်ရွက်ရသည်။ သို့မှသာ ဥမင်အတွင်း ပိတ်မိနေသည့် သူများကို လွတ်မြောက်နိုင်ရန်နှင့် အန္တရာယ်ကင်းစွာ ကယ်ဆယ်နိုင်ရန် ကူညီနိုင်လိမ့်မည်။ အန္တရာယ်ကင်းမှု အခြေအနေအပြင် လေဝင်လေထွက် ရှိခြင်းကြောင့် ဥမင်အတွင်း ရာသီဥတု အနေအထားနှင့် တပ်ဆင်အသုံးပြုထားသည့် နည်းပညာဆိုင်ရာ ပစ္စည်းများ၏ သက်တမ်းတို့ အပေါ်တွင်လည်း အကျိုးသက်ရောက်မှု ရှိသည်။

၎) လျှပ်စစ်ဓါတ်အားပေးခြင်း
မျက်မှောက်ခေတ်တွင် လျှပ်စစ်ဓာတ်အားသည် ခေတ်မီဥမင်တစ်ခုအတွက် မရှိမဖြစ်လိုအပ်သည့် အရာတစ်ခုဖြစ်သည်။ မော်တော်ကားလမ်း ဥမင်များတွင် လျှပ်စစ်ဓါတ်အားကို အလင်းရောင်ရရန်၊ အချက်ပြမီးများနှင့် စောင့်ကြပ်ကြည့်ရှုခြင်းဆိုင်ရာ ပစ္စည်းများ (ဥပမာ- လုံခြုံရေး ကင်မရာများ) အတွက် အသုံးပြုသကဲ့သို့ မီးရထားလမ်း ဥမင်များတွင်လည်း ရထားမောင်းနှင်ရန် အသုံးပြုရသည်။ ရထားလမ်းနှင့် ယှဉ်လျက် နောက်ထပ် သံလမ်း (Third rail)တစ်ခုဖြင့် လည်းကောင်း၊ ဥမင်အမိုးမှ အောက်သို့ ရထားနှင့်ထိစပ်နိုင်သည့် လျှပ်စစ်ကြိုး (Overhead wire)ဖြင့် လည်းကောင်း ရထားများကို လျှပ်စစ်ဓါတ်အား ပေးနိုင်သည်။

၅) ဆက်သွယ်ရေး ပစ္စည်းများ
ယခုအချိန်တွင် လူအများ၏ နေ့စဉ်ဘဝတွင် မိုဘိုင်းလ် ဆက်သွယ်ရေးသည် အရေးအကြီးဆုံး အစိတ်အပိုင်း အဖြစ် တည်ရှိနေပေသည်။ မိုဘိုင်းလ်ဖုန်းနှင့် လမ်းလျှောက် စကားပြောစက်များ သုံးခြင်းသည် ထိခိုက်ပျက်ဆီးမှုများ ဖြစ်ပေါ်ချိန်တွင် အသုံးပြုရန် မဖြစ်နိုင်သဖြင့် ပြင်ပလောကမှ သိမြင်နိုင်စေရန် အခြား နည်းပညာမြင့်သည့် ပစ္စည်း ကိရိယာများကို ဖြည့်ဆည်း တပ်ဆင်ရမည်။ ရထားမောင်းနှင်သူများနှင့် ပြင်ပလောကအကြား သတင်း အချက်အလက်များ ဆက်သွယ်နိုင်ရန် သီးသန့် ဆက်သွယ်ရေး ထားရှိခြင်းဖြင့် အန္တရာယ်ဖြစ်ခြင်းများကို ပြည့်ဝစွာ ကာကွယ်သွားနိုင်သည်။ ကြိုးမဲ့ ဆက်သွယ်ရေး ပစ္စည်းများကို သုံးခြင်းအပြင် အရေးပေါ် ဆက်သွယ်နိုင်သည့် အရာများအတွက် အပို ဆက်သွယ်ရေးများ၊ တယ်လီဖုန်းများ တပ်ဆင် အသုံးပြုကြသည်။

၆) အချက်ပြ ပစ္စည်း
ဥမင်ကို အသုံးပြုခြင်း ရည်ရွယ်ချက်နှင့် အသုံးပြုပုံ တို့အပေါ်တွင် မူတည်၍ ယာဉ်သွားလာမှုကို ပုံမှန် ဖြစ်စေရန် အချက်ပြ ပစ္စည်းများ လိုအပ်ပေသည်။ သေးငယ်သော မော်တော်ကားလမ်း ဥမင်တွင် သာမန် မီးပွိုင့်ကို ဥမင်အဝင်တွင် ထားရှိခြင်းဖြင့် လုံလောက်သည်။ သို့သော်လည်း ကြီးမားပြီး သွားလာမှု များပြားရှုပ်ထွေးသော ဥမင်များ အတွက်မူ အဆင့်မြင့် ကွန်ပြူတာဖြင့် ထိန်းချုပ်သည့် အချက်ပြစနစ် လိုအပ်သည်။

၇) အန္တရာယ် အချက်ပေး ကိရိယာများ
အန္တရာယ် ဖြစ်နိုင်သည့် အကြောင်းရင်းများကို ရှာဖွေခြင်းသည် အသုံးပြုသူများ အတွက် အန္တရာယ်ဖြစ်မှုကို လျော့နည်းစေခြင်း မရှိပေ။ အန္တရာယ်ရှိကြောင်း အချိန်မှီ သတင်းပေးနိုင်မှသာ သင့်တော်သည့် နည်းဖြင့် ကျော်လွှားနိုင်မည် ဖြစ်သည်။ ယခင် အချက်ပေးကရိယာများသည် ကျယ်လောင်သည့် အချက်ပေး အသံများဖြင့်သာ အချက်ပေးနိုင် ကြသော်လည်း ယနေ့ခေတ်တွင် အန္တရာယ်ကို မည်သို့ ကျော်ဖြတ်ရမည်ကိုပင် လျှပ်စစ် သင်္ကေတများ၊ ရေဒီယို အသံလွှင့်ချက်များ၊ အသံချဲ့စက်များဖြင့် တိုက်ရိုက် ပြောပြနိုင်ပေသည်။

(MyMetroworld ၂ နှစ်ပြည့် အမှတ်တရ)
ထွန်းထွန်းနိုင်(မြို့ပြ)

အပြည့်အစုံသို့ »

« အပေါ်သို့

MyMetroworld ၂ နှစ်ပြည့်

ကျွန်တော် ဒီပို့စ်လေးမှာ Electrification of railway transport အကြောင်းကို အနည်းငယ် မိတ်ဆက်ပေးလို ပါတယ်။ ကျွန်တော်တို့ နိုင်ငံအနေနဲ့ ရထားပို့ဆောင်ရေးအပိုင်းမှာ အခြေအနေ အရပ်ရပ်အရ လျှပ်စစ်ဓာတ်အား အသုံးပြု မောင်းနှင်သော လျှပ်စစ်ရထားများကို ပြောင်းလဲ သုံးစွဲနိုင်ခြင်း မရှိသေးပါဘူး။ သို့သော် နောင်တချိန် အသုံးပြုလာရမှာ မလွဲဧကန် ဖြစ်တဲ့အတွက် ကျွန်တော် လေ့လာမိသမျှ လျှပ်စစ်ရထားများအတွက် ဓာတ်အားပေးခြင်း အပိုင်းကို ရေးသားလိုက်ပါတယ်။ technical term များကို တတ်နိုင်သမျှ ဖတ်ရလွယ်ကူအောင် ကြိုးစား၍ ဘာသာပြန်ဆို ရေးသားထားပါတယ်။

နိဒါန်း
လျှပ်စစ်ရထားများအတွက် လိုအပ်သော လျှစ်စစ်စွမ်းအင်ကို လျှပ်စစ်ဓာတ်အားပေး စက်ရုံများမှ ထုတ်လွှတ်ပေးသော လျှပ်စစ်ဓာတ်အားပေးစနစ် မှတဆင့် ရယူကြသည်။ လျှပ်စစ်ဓာတ်အားပေးစက်ရုံ (electrical power plant ) များရှိ ဂျင်နရေတာ (generator)များမှ လျှပ်စစ်ဓာတ်အားကို ထုတ်ယူ၍ လျှပ်စစ်ဓာတ်အားခွဲရုံများ (electric substations)၊ လျှပ်စစ်ဓာတ်အားလိုင်းများနှင့် electric traction substations များမှတဆင့် လျှပ်စစ်ဓာတ်အားသုံး ရထားလမ်းများသို့ ဓာတ်အားပေးပို့ သုံးစွဲပါသည်။

နောက်ဆုံးတွင် လျှပ်စစ်စွမ်းအင်ကို သက်ဆိုင်ရာ ရထားများတွင် သုံးမည့် အမျိုးအစား (AC or DC) သို့ပြောင်းလဲ၍ traction network များမှတဆင့် ပို့လွှတ်ကာ သုံးစွဲပါသည်။ လျှပ်စစ်ဓာတ်အားပေး စက်ရုံများရှိ ဂျင်နရေတာများမှအစပြု၍ traction substations များအထိ ဓာတ်အားပို့လွှတ်သည့် စနစ်ကို လျှပ်စစ်ရထားလမ်းများအတွက် power supply system ဟုသတ်မှတ်နိုင်ပါသည်။

လျှပ်စစ်ရထားလမ်းများ၏ powere supply system တွင် အဓိကအားဖြင့် အပြင်ဘက်ပိုင်း (exterior) နှင့် traction အပိုင်းဟူ၍ အပိုင်း (၂) ပိုင်းခွဲခြားနိုင်ပါသည်။

အပြင်ဘက်ပိုင်း (exterior)တွင် လျှပ်စစ်ဓာတ်အားပေးစက်ရုံများ (ရေအားလျှပ်စစ်၊ အပူစွမ်းအင်သုံး၊ အနုမြူစွမ်းအင်သုံး စသည်ဖြင့်)နှင့် ဓာတ်အားခွဲရုံများ၊ လျှပ်စစ်ဓာတ်အားလိုင်းများ၊ လျှပ်စစ် ဓာတ်အား ကွန်ယက်စနစ် များပါဝင်သည်။

Traction အပိုင်းတွင်မူ လျှပ်စစ်ရထား မောင်းနှင်မည့် traction power အတွက် traction substation များ၊ electric traction network များပါဝင်ပါသည်။ electric traction network တွင် contact system (contact rail or catenary) နှင့် railway network များ၊ feeder lines နှင့် draw off lines များပါဝင်သည်။ ပုံမှန်အားဖြင့် လျှပ်စစ်ရထားလမ်းများအတွက် ဓာတ်အားကို ဓာတ်အားခွဲရုံ တစ်ခုတည်းမှ ရယူသည်မဟုတ်ဘဲ electrical supply network တခုလုံးမှရယူခြင်းဖြစ်သည်။

လျှပ်စစ်ရထားလမ်းများအတွက် ဓာတ်အားပေးခြင်းဆိုင်ရာ အခြေခံ အချက်အလက်များ

လျှပ်စစ်ရထားများအတွက် Power supply system ကို အခြေခံအားဖြင့် အောက်ပါပုံတွင် ဖော်ပြထားပါသည်။

ပုံတွင်-
I - လျှပ်စစ်ဓာတ်အားပေးစနစ်၏ အပြင်ဘက်ပိုင်း(exterior of power supply system)၊ II – traction power supply အပိုင်း၊ III – electric mobile structure၊ 1- လျှပ်စစ်ဓာတ်အားပေးစက်ရုံ၊ 2 - ဓာတ်အားခွဲရုံ၊ 3 - လျှပ်စစ်ဓာတ်အားလိုင်း (3 phase transmission line)၊ 4 - traction substation၊ 5 –feeder line၊ 6 – draw off line၊ 7 – contact system (catenary)၊ 8 - သံလမ်းများ၊ 9 – post (point) sectioning၊ 10 – section insulator၊ 11 – pantograph၊ 12 - motor starting devices၊ 13 – traction motors၊ 14–station ၂ ခုကြားရှိ ဇုန်။

လျှပ်စစ်ဓာတ်အားပေးစနစ်ကို အောက်ပါ အချက်များအပေါ် မူတည်၍ အမျိုးအစား ခွဲခြားနိုင်ပါသည်။
(၁) လျှပ်စစ်ဓာတ်အားပေးပို့မည့် conductor အမျိုးအစား (contact rail သို့မဟုတ် catenary )
(၂) ဗို့အားအမျိုးအစား (နိမ့် / မြင့်)
(၃) type of current (AC or DC)
(အကယ်၍ AC ကို အသုံးပြုပါက frequency နှင့် single phase or three phase ကိုပါ ထည့်သွင်း စဉ်းစားပါသည်)

ပုံမှန်အားဖြင့် လျှပ်စစ်ရထားလမ်းများတွင် DC သို့မဟုတ် single phase AC စနစ်ကို အသုံးပြုကြသည်။ AC three phase စနစ်ကို အသုံးပြုလျှင် အနည်းဆုံး contact wire (catenary) ၂ ခု အသုံးပြုရမည်ဖြစ်သဖြင့် ၎င်းစနစ်ကို အသုံးပြုခြင်းမရှိပါ။ single phase စနစ်ကိုသာ တွင်ကျယ်စွာ အသုံးပြုကြပါသည်။ DC စနစ်တွင် လျှပ်စစ်မော်တာများကို ဓာတ်အား တိုက်ရိုက်ပေးပို့နိုင်ရန်အတွက် low voltage DC ကိုသုံးလေ့ရှိပြီး AC စနစ်တွင်မူ လျှပ်စစ်ရထားများအတွင်း transformer များ၏ အကူအညီဖြင့် voltage ကို လွယ်ကူစွာ နှိမ့်ချနိုင်သဖြင့် ပိုမိုမြင့်မားသော voltage ကို အသုံးပြုလေ့ရှိသည်။

DC စနစ်ကိုအသုံးပြု၍ လျှပ်စစ်ဓာတ်အားပေးခြင်း
DC စနစ်တွင် လျှပ်စစ်မော်တာများကို contact system (contact rail သို့မဟုတ် catenary)မှ တိုက်ရိုက် ဓာတ်အားရယူ၍ အသုံးပြုလေ့ရှိကြသည်။ voltage regulation အပိုင်းကိုမူ variable resistor များ (rheostat) အသုံးပြုခြင်း၊ လျှပ်စစ်မော်တာများအား regrouping ပြုလုပ်ခြင်း နှင့် ယခုနောက်ပိုင်းတွင် pulse control စနစ်အားအသုံးပြု၍ regulation ပြုလုပ်ခြင်းကို အသုံးပြုကြပါသည်။ DC စနစ်သုံးလျှပ်စစ်ရထား လမ်းပိုင်းအတွက် လိုအပ်သော လျှပ်စစ်စွမ်းအင်ကို semiconductor converter များကိုအသုံးပြု၍ ပြောင်းလဲ ရယူကြပါသည်။ အစောပိုင်း ဓာတ်အားခွဲရုံများတွင်မူ အခြေခံ motor–generator များကို တပ်ဆင်အသုံးပြုကြပြီး နောက်ပိုင်း ကာလတွင် AC မှ DC သို့ပြောင်းလဲရန်အတွက် semiconductor converter များကိုသာ အသုံးပြုလာကြသည်။

Auxiliary လျှပ်စစ်မော်တာများ (compressor များအတွက် driving mechanism များ၊ ventilator များ၊ စသည်တို့) အတွက် လျှပ်စစ်ဓာတ်အားကိုလည်း contact system မှပင် တိုက်ရိုက် ရယူသုံးစွဲပါသည်။ ထို့ကြောင့် ၎င်းမော်တာများမှာ အရွယ်ပမာဏ ကြီးမားလေးလံကြပြီး များသောအားဖြင့် ၎င်းတို့အတွက် လျှပ်စစ်ဓာတ်အားကို rotation နှင့် statical inverter များမှရယူကြသည်။ ဥပမာအားဖြင့် လျှပ်စစ်ရထား အမျိုးအစား ЭР2Т, ЭД4М, ЭТ2М (ရုရှားနိုင်ငံတွင် အသုံးပြုသည်) တို့တွင် DC 3000 volts မှ three phase AC 220 volts, frequency 50 Hz သို့ပြောင်းလဲသုံးစွဲနိုင်သော dynamotor (motor-generator) များကို အသုံးပြုကြသည်။

လျှပ်စစ်ရထားလမ်းများတွင် အခြေခံအားဖြင့် 1500 volts နှင့် 3000 volts တို့ကို အသုံးပြုကြပါသည်။ ထို့ကြောင့် လျှပ်စစ်ရထားများတွင် အသုံးပြုသော မော်တာများကို 1500 ဗို့ထက် မကျော်လွန်သော လျှပ်စစ်ဓာတ်အားအတွက် ထုတ်လုပ် အသုံးပြုကြသည်။ သို့သော် ထိုလျှပ်စစ်မော်တာများကို series ချိတ်ဆက် အသုံးပြုသော electric traction network တွင်မူ 3000 ဗို့ (3KV) ထိ သုံးစွဲနိုင်သည်။ tram များ၊ trolleybus များ နှင့် metro တွင်မူ DC 600, 750 နှင့် 1500 ဗို့များကို သုံးစွဲလေ့ရှိသည်။ metr၀ အတွက် norminal voltage မှာ 750 ဗို့ ဖြစ်သည်။ DC စနစ်၏ အားနည်းချက်တခုမှာ ရထားစတင်ထွက်ခွာချိန် starting rheostat များတွင် power loss များခြင်းဖြစ်သည်။

AC စနစ်ကိုအသုံးပြု၍ လျှပ်စစ်ဓာတ်အားပေးခြင်း
AC စနစ်ဖြင့် ဓာတ်အားပေးရာတွင် ဥရောပနိုင်ငံများ (ဂျာမဏီ၊ ဆွစ်ဇာလန် စသည့် နိုင်ငံများ) တွင် single phase AC 15 KV, 16 Hz ကို အသုံးပြုကြသည်။ DC စနစ်နှင့် နှိုင်းယှဉ်လျှင် အဓိကအားသာချက်မှာ contact rail or catenary တွင် ပိုမိုမြင့်မားသော voltage ကိုအသုံးပြုနိုင်ခြင်း ဖြစ်သည်။ ရုရှားနိုင်ငံတွင်မူ 25 KV 50 Hz ကိုအသုံးပြုသည်။ low frequency ဖြစ်သဖြင့် AC commutator motor များ အသုံးပြုနိုင်သည်။ မော်တာများအတွက် လိုအပ်သော လျှပ်စစ်ဓာတ်အားကို မည်သည့် inventer မှအသုံးမပြုဘဲ transformer ၏ secondary winding မှရယူသည်။ Auxiliary လျှပ်စစ်မော်တာများ (compressor များအတွက် driving mechanism များ၊ ventilator များ စသည်တို့)သည်လည်း commutator motor များဖြစ်ပြီး ၎င်းတို့အတွက် လျှပ်စစ်ဓာတ်အားကို transformer ၏ သီးခြား winding မှနေ၍ ရယူသည်။

ယခုအခါ Single phase AC စနစ်ကို ကမ္ဘာအနှံ့အပြားတွင် ပိုမိုကျယ်ပြန့်စွာ သုံးစွဲလာကြပါသည်။ အဘယ်ကြောင့်ဆိုသော် DC စနစ်နှင့် နှိုင်းယှဉ်ပါက စွမ်းအားတူသော လျှပ်စစ်ရထားတစ်စီးအတွက် traction network တွင် power loss ဖြစ်ခြင်းသည် 11 ဆ သက်သာပြီး၊ contact system အတွက် voltage drop ဖြစ်ခြင်း သည် 3.3 ဆ သက်သာ၍ traction substation နှစ်ခုကြား အကွာအဝေး သည် 2 ဆ ပိုမိုသည်။ ဤစနစ်၏ အားနည်းချက်တစ်ခုမှာ လိုအပ်သည့် frequency ကို ဓာတ်အားခွဲရုံများတွင် ပြောင်းလဲပေးရခြင်း (သို့မဟုတ်) လျှပ်စစ်ရထားလမ်းများအတွက် ဓာတ်အားပေးစက်ရုံ သီးခြား ဆောက်လုပ်ပေးရန် လိုအပ်ခြင်းဖြစ်သည်။

နိဂုံး
လျှပ်စစ်ရထားလမ်းများအတွက် ဓာတ်အားပေးရာတွင် အခြားသော အချက်အလက် မြောက်များစွာ သိရှိရန် ကျန်ရှိ နေပါသေးသည်။ ဤစာကိုရေးရခြင်း၏ ရည်ရွယ်ချက်မှာ ရထားလမ်းများအတွက် power supply system နှင့်ပတ်သတ်၍ အနည်းငယ်မျှ ဖြစ်စေ သိရှိသွားပြီး ဆက်လက် လေ့လာနိုင်ရန် ဖြစ်ပါသည်။ ကျွန်တော် ကိုယ်တိုင်သည်လည်း လေ့လာနေဆဲသူ တစ်ယောက်သာလျှင် ဖြစ်သဖြင့် ဤစာကို ဖတ်ရှုရာတွင် ချောမောပြေပြစ်မှု မရှိခြင်းနှင့် လိုအပ်ချက်များရှိပါက ကျွန်တော်၏ လေ့လာမှုနှင့် အရေးအသားတွင် အားနည်းခြင်း တို့ကြောင့်သာ ဖြစ်ပါသည်။

မှီငြမ်းကိုးကား
၁၊။В.В.Лукин , П.С. Анисимов, Ю.П. Федосеев – Вагоны общий курс . – М. : Маршрут ,2004 . - 424с.
၂။ В.С. Почаевц. – Введение в специальность Электроснабжение на железнодорожном транспорте: Учебное пособие для техникумов и колледжей ж.д транспорта. – М.: Маршрут,2005.-139с.
၃။ www.wikipedia.org

Related Posts
1. မီးရထားကဏ္ဍမိတ်ဆက်
2. Linear motor သုံး ရထားများနှင့် Rotational Motor သုံးရထားများ နှိုင်းယှဉ်ချက်
3. Contact rail များ အကြောင်း တစေ့တစောင်း

အပြည့်အစုံသို့ »

« အပေါ်သို့

MyMetroworld ၂ နှစ်ပြည့်

မြေအောက်ရထားပြေးဆွဲမှုမှာ မဖြစ်မနေ အသုံးပြုရတဲ့ Transportation management ရဲ့ အရေးအကြီးဆုံး အစိတ်အပိုင်းတခုလို့ ပြောရမယ့် သယ်ဆောင်နိုင်မှု စွမ်းရည် (carrying capacity (or) transportation capacity)နဲ့ ဖြတ်သန်းသွားလာနိုင်မှု စွမ်းရည် (passing (or) delivery capacity) တို့ရဲ့ အဓိပ္ပါယ်သတ်မှတ်ပုံနဲ့ တွက်ချက်ပုံများကို ယခုပို့စ်မှာ တင်ပြသွားပါမယ်။

မြေအောက်ရထားလမ်း ကွန်ယက်တစ်ခုမှာ ရထားပြေးဆွဲရာ လမ်းကြောင်း (lines) များစွာရှိပါတယ်။ အဲဒီလမ်းကြောင်းများရဲ့ ၀ိသေသလက္ခဏာများဟာ တစ်ခုနဲ့တစ်ခု ယေဘုယျအားဖြင့် တူညီကြပါတယ်။ အခုအောက်မှာ တွက်ချက် ဖော်ပြထားတာတွေကတော့ လမ်းကြောင်းတစ်ခုအတွက် တွက်ချက်ပုံများဖြစ်ပါတယ်။

သယ်ဆောင်နိုင်မှုစွမ်းရည် (carrying capacity (or ) transportation capacity)

မြေအောက်ရထားပြေးဆွဲသည့် လမ်းကြောင်းတစ်ခု အတွင်းရှိ သယ်ဆောင်နိုင်မှုစွမ်းရည် ဆိုသည်မှာ ဦးတည်ရာ လမ်းကြောင်းတခုအတွင်း စံသတ်မှတ်ထားသော အချိန် တစ်နာရီ အတွင်း သယ်ဆောင်သွားနိုင်သည့် ခရီးပမာဏ (quantity of passengers)ကို ဆိုလိုပါသည်။ ၎င်းသယ်ဆောင်နိုင်မှု စွမ်းရည်ကို မြင့်တက်လာစေရန် ရထားတစ်စီးရှိ တွဲအရည်အတွက်များကို တိုးမြင့်ချိတ်ဆက်ခြင်းဖြင့် ပြုလုပ်နိုင်သော်လည်း ဘူတာရုံများရှိ စင်္ကြံများ တည်ဆောင်ထားမှုပုံစံ (design of platform) (သို့) ပလက်ဖောင်းအရှည် (length of platform)များနှင့် ရထားရပ်နားစဉ် ကိုက်ညီမှု မရှိနိုင်သဖြင့် ၎င်းစွမ်းရည်ကို မြင့်တင်နိုင်မည့်နှုန်း (rate)သည် ပုံမှန်မရနိုင်ပါ။

သယ်ဆောင်နိုင်မှုစွမ်းရည်ကို ပုံသေနည်းဖြင့်တွက်ချက်သော် အောက်ပါအတိုင်းရရှိပါသည်။

A = N.n.b

N သည်လမ်းကြောင်းတလျှောက် သယ်ဆောင်နိုင်မှုစွမ်းရည်၊ အက္ခရာအသေး n သည် ရထားတစ်စီးလုံးရှိ တွဲအရေအတွက်နှင့် b သည် တွဲတစ်ခု၏ သယ်ဆောင်နိုင်သော ခရီးသည်ဦးရေကို အသီးသီးညွှန်းဆိုပါသည်။

လမ်းကြောင်းတစ်ခုအတွင်းရှိ Rush Hour အချိန်အတွင်း သယ်ဆောင်နိုင်မှု စွမ်းရည်ကို တစ်နာရီအတွင်း တွဲ (၈) တွဲပါ ရထား (၃၉) စီးဖြတ်သန်းမှုဖြင့် သတ်မှတ်တိုင်းတာထားပါသည်။ (Rush Hour ကို တနည်းအားဖြင့် Most Busiest Moment ဟုခေါ်ပါသည်။ ၎င်းသည် မနက်အလုပ်သွား၊ ကျောင်းသွားနှင့် ညနေ အလုပ်ပြန်၊ ကျောင်းပြန် စသဖြင့် ခရီးသည် အထူထပ်ဆုံး အချိန်ဖြစ်ပြီး လမ်းကြောင်းတလျှောက် ပြေးဆွဲမှု အကြိမ်အရေအတွက် အများဆုံး ဖြစ်နေသောအချိန် ဖြစ်ပါသည်)

ဆက်လက်ဖော်ပြရသော် ၎င်းသတ်မှတ် တစ်နာရီအတွင်း ရထားတွဲတစ်တွဲအတွင်း ဝင်ဆံ့သည့် ခရီးသည် ပမာဏကို ခရီးသည်ဦးရေ (၁၇၀) ဦးဖြင့် စံသတ်မှတ်ထားပါသည်။ ၎င်းဦးရေ ရရှိနိုင်ရန်အတွက် မတ်တပ်ရပ်စီး ခရီးသည်ဦးရေ သိပ်သည်းမှု (density)ကို p = ၅ (passengers/square meter) ဖြင့်ရယူပါသည်။ ယခုအတိုင်းအတာမှာ မည်သည့် သယ်ယူပို့ဆောင်ရေး အမျိုးအစားတွင်မဆို ကမ္ဘာတ၀ှမ်းလုံး သတ်မှတ်ထားသော စံသတ်မှတ်ချက်တစ်ခု ဖြစ်ပါသည်။ ၎င်းအခြေအနေတွင် ရထားတွဲတစ်ခုအတွင်း ထိုင်လျှက်စီးနိုင်သော ခရီးသည် တစ်ယောက်ရှိပြီး မတ်တပ်ရပ်စီးဦးရေ (၃) ဦးရှိပါသည်။ Rush Hour မဟုတ်သည့် အခြားအချိန်တွင်မှု တွဲတစ်ခုအတွင်း ခရီးသည် (၁၃၀) ဦးရေ သယ်ဆောင်ပါသည်။ (၎င်းအချိန်တွင်း ထိုင်လျှက်စီးနိုင်သော ခရီးသည် တစ်ဦးရှိပြီး မတ်တပ်စီးခရီးသည် (၂) ဦးပါသည်။ ရထားတွဲ အမျိုးအစားများအလိုက် ခရီးသည် တင်ဆောင်နိုင်မှု ပမာဏ အပြောင်းအလဲ ရှိနိုင်ပါသည်)

ထိုနည်းလမ်းဖြင့် လမ်းကြောင်းတစ်ခုရှိ သယ်ဆောင်နိုင်မှုစွမ်းရည်ကို အောက်ပါအတိုင်း တွက်ချက်ရရှိပါသည်။

A = ၃၉ × ၈ × ၁၇၀ = ၅၃၀၄၀ (ခရီးသည်/တစ်နာရီ)

သို့သော် သတ်မှတ် တစ်နာရီ အတွင်း တွဲများအတွင်းသို့ ခရီးသည်အ၀င်အထွက်၊ အတင်အချ မညီမျှမှုကြောင့် တွဲများတစ်ခုချင်းစီသို့ ၀င်ရောက်မှုသည် ခရီးသည် (၂၂၄) ဦးအထိ မြင့်တက်လာနိုင်ပါသည်။ ၎င်းအပြောင်းအလဲကြောင့် critical period ဖြစ်သော မနက် ၈ နာရီ ၂၀ မိနစ်မှ ၈ နာရီ ၅၀ မိနစ်အတွင်း ခရီးသည်များ ပလက်ဖောင်းများတွင် ကျန်နေခဲ့နိုင်ပါသည်။

မနက်ပိုင်းလူကျပ်ချိန် Rush Hour အတွင်း ခရီးသည်လျော့နည်း တင်ဆောင်နိုင်မှုကို ဖယ်ရှားနိုင်ရန်အတွက် မနက် (၇) နာရီမှ (၈) နာရီအတွင်း ရထားအစီး (၄၀) ထိလည်းကောင်း၊ မနက် (၈)နာရီ (၉) နာရီအထိ ၎င်းနှုန်း ထားတိုင်းလည်းကောင်း၊ ရထားများပြေးဆွဲမှုကို တစ်နာရီအတွင်း အစီး (၄၀) အထိ တိုးမြင့်လိုက်ခြင်းဖြင့် လုပ်ဆောင်နိုင်ပါသည်။

ဖြတ်သန်းသွားလာနိုင်မှုစွမ်းရည် (passing (or) delivery capacity)[ဘူတာနှစ်ခုကြားနယ်မြေအတွင်း]

ဘူတာနှစ်ခုကြား အကွာအဝေးတွင် ဖြတ်သန်းသွားလာနိုင်မှုစွမ်းရည် ဆိုသည်မှာ စံသတ်မှတ်ထားသည် အချိန် တစ်နာရီအတွင်း ဦးတည်ရာ လမ်းကြောင်းများအလိုက် ဘူတာတစ်ခုမှတစ်ခုသို့ (၎င်းဘူတာနှစ်ခုကြား အကွာအဝေးနယ်မြေတွင်) အများဆုံးလွှတ်ပေး (ပြေးဆွဲ)နိုင်သည့် ရထားအရေအတွက်ကို ဆိုလိုပါသည်။ ဘူတာ တစ်ခုနှင့်တစ်ခုကြား ဆက်တိုက်လွှတ်သော ရထားများသည် အော်တိုမက်တစ် ပိတ်ဆို့ (auto blocking) လုပ်ပေးနိုင်သော၊ ဖြတ်သန်းဖြတ်လာအတွက် အချက်ပြပေးသော မီးပွိုင့်များရှိသော လမ်းခွဲများ (separate lines) များ၏ အကူအညီဖြင့် ၎င်းတို့ကြား အကွာအဝေးနှင့် အချိန်ကို အန္တရာယ်ကင်းရှင်းရေးအတွက် ပိုင်းဖြတ်သတ်မှတ်ပေးသည်။


ဦးတည်ရာ လမ်းကြောင်းတစ်ခုအတွင်းရှိ ဆက်တိုက်ပြေးဆွဲသည့် ရထားများကြားအချိန်ကို interval period အဖြစ်သတ်မှတ်သည်။ ရထားတစ်စီးနှင့်တစ်စီးကြား interval နည်းလေလေ၊ ဘူတာတစ်ခုနှင့်တစ်ခုကြား ဖြတ်သန်းသွားလာနိုင်မှု များလေလေဖြစ်သည်။ ဘူတာနှစ်ခုကြား ဆက်တိုက်လိုက်သော ရထားနှစ်စင်းကြားရှိ သတ်မှတ်အကွာအဝေးအတွင်း အနည်းဆုံးဖြစ်နိုင်ချေကို အောက်ဖော်ပြပါပုံတွင် ကြည့်ရှုလေ့လာနိုင်ပါသည်-

ဘူတာ နှစ်ခုကြားရှိ ရထားများကြား interval ပြပုံ

အထက်ပါပုံမှ ယခုပုံသေနည်းကိုရရှိပါသည်-

Y_п = t_b + t_cm + t_бу + t_зу + t_cn + t_п + t_рез

Y_п = ရထားတစ်စီးနှင့် တစ်စီးကြားရှိ အချိန်အပိုင်းအခြား (interval)၊ (စက္ကန့်)
t_b = အချက်ပြမှုအပြီး စက်ခေါင်းမှူး ပြင်ဆင်ချိန် (၂ စက္ကန့်)
t_cm = ဘရိတ်အုပ်ချိန် (service break application)၊ ၎င်းအချိန်အတွင်း ရထားသည် စတင်ဘရိတ်အုပ်ရာနေရာမှ မီးနီးမှ မီးစိမ်းအချက်ပြသို့ ကူးပြောင်းသည့် မီးပွိုင့်နား အကွာအဝေးသို့ ဖြတ်ကျော်ပြီး (၂ စက္ကန့်)
t_бу = Block area ကိုဖြတ်ကျော်ပြီးအချိန် (စက္ကန့်)
t_зу = Protective area ကိုဖြတ်ကျော်သည့်အချိန် (စက္ကန့်)
t_cn = Protective area မှနောက်ထပ် မီးပွိုင့်တစ်ခုဆီသို့ ရှေ့မှ ရထားထွက်ခွာသွားပြီးချိန်မှ စရွေ့၊ နောက်ဆက်လိုက်မည့် ရထားမှ signaling ကိရိယာများ၏ အကူအညီဖြင့် ပြင်ဆင်လုပ်ဆောင်ချိန် (၃ စက္ကန့်)
t_п = ရထားတစ်စင်းလုံးနှင့် အကွာအဝေး တူညီသည့်နယ်မြေမှ ရထားတစီးလုံးထွက်ခွာရန် လိုအပ်သောအချိန် (စက္ကန့်)
t_рез = ရထားမောင်းနှင်မှုကို တိကျစွာ တွက်ချက်ပေးပြီး အချက်ပြမီးနီလင်းနေသော အရံချိန် (၁၅ စက္ကန့်)

စက်ခေါင်းမှုး ဘရိတ်အုပ်ရမည့်အချိန် (Time of service break application) ကိုတွက်ချက်ရပါမည်။ တစ်နာရီကို (၇၅)ကီလိုမီတာ (တစက္ကန့် ၂၀.၈ မီတာ) အရှိန်ဖြင့် မောင်းနှင်ချိန်၊ အရေးပေါ် ဘရိတ်အုပ်ရမည့် အခါမျိုး (emergency breaking)တွင် (၈) တွဲပါ ရထားတစီး ဘရိတ်အုပ်ရမည့်လမ်းကို (၁၉၀)မီတာ ထားရှိရပါမည်။ ၎င်းအကွာအဝေးကို သတ်မှတ်ထားသော ကိန်းသေတန်ဖိုး (empirical coefficient) ၁.၁၅ နှင့် မြှောက်လျှင် ဘရိတ်အုပ်ရာလမ်းကြောင်း၏ အရှည်(၂၂၀) မီတာကို ရပါမည်။ ၎င်းအရှည်ကို သင်္ကေတ l_cm ဖြင့်အဓိပ္ပါယ် သတ်မှတ်ပါသည်။


Block လုပ်သည့်နယ်မြေ t_бу နှင့် Protective area - t_зу တို့ကို ရထားဖြတ်ကျော်မည့် အချိန်များကို တူညီစွာ ပိုင်းဖြတ်ပါသည်။ block နယ်မြေ၏ အရှည်သည် အရေးပေါ် ဘရိတ်အုပ်ချိန်တွင် ရှိရမည့် ဘရိတ်အုပ်လမ်းကြောင်း အရှည်ထက် မနည်းရပါ။ ယခု လေ့လာပြီးသော ဖြစ်စဉ်တွင် (၂၂၀) မီတာထက် မနည်းရပါ။ ပျှမ်းမျှ ရထားအရှိန် တစ်နာရီ(၄၅)ကီလိုမီတာ (တစက္ကန့် ၁၂.၅မီတာ)ကို ယူ၍တွက်ချက်လျှင်

Block နယ်မြေကို ဖြတ်ကျော်မည့် အချိန် ၁၈ စက္ကန့် ရရှိပါမည်။

ဘူတာ နှစ်ခုကြားနယ်မြေ၊ မီးပွိုင့်များ၏ နောက်ရှိ Protective area ၏ အရှည်ကိုလည်း ယခု တွက်ချက်ထားသော အရေးပေါ် ဘရိတ်အုပ်ချိန် (သို့) အလိုအလျှောက် block လုပ်ပေးနိုင်သည့် လမ်းကြောင်း အရှည်ထက် မနည်းရပါ။ ယခု သုံးသပ်ချက်တွင် ရထား၏ အမြင့်ဆုံးအရှိန် (maximum speed) ကို တနာရီ (၈၀) ကီလိုမီတာနှုန်း ယူရမည်ဆိုပါက ၎င်းအလိုအလျှောက် block လုပ်သောလမ်း၏ အရှည်သည် (၂၅၃) ကီလိုမီတာထိ ရှိလာပါမည်။ ၎င်းလမ်းကြောင်းတွင် ရထားသည်အရှိန် တစ်နာရီ(၅၀)ကီလိုမီတာ (တစက္ကန့် ၁၃.၉မီတာ) ဖြင့် ဖြတ်သန်းမည်ဆိုပါက-

တွဲ (၈) တွဲပါ အရှည် (၁၅၄) မီတာရှိသော ရထားသည် ၎င်းနယ်မြေကို အောက်ပါတွက်ချက်ပုံတိုင်း ဖြတ်ကျော်ပါမည်။

၎င်းနည်းလမ်းဖြင့်

Y_п = ၂ + ၁၁ + ၁၈ + ၁၈ + ၃ + ၁၁ + ၁၅ = ၇၅ (စက္ကန့်)

၎င်းမှတဆင့် ဘူတာနှစ်ခုကြားနယ်မြေ ဖြတ်သန်းသွားလာနှိင်မှု စွမ်းရည်ကို တွက်ချက်သော်-

ကိုရရှိပါမည်။ တစ်နာရီ (၄၆) စီးဖြတ်သန်းပြီးဖြစ်ပါမည်။ (၃၆၀၀)သည် တစ်နာရီအတွင်းရှိ စက္ကန့် ဖြစ်ပါသည်။

ထို့ကြောင့် interval ကို အနည်းဆုံး သတ်မှတ်တွက်ချက်မှုအရ အထက်ပါ တွက်ချက်မှုများတွင် မြင့်မားသောနှုန်း တစ်နာရီ (၄၆)စီး ဖြတ်သန်းသွားလာနိုင်မှုကို တွေ့ရှိရပါသည်။ လက်တွေ့ အသုံးချမှုဖြစ်စဉ်များတွင်မူ ရထားတစ်စီးနှင့် တစ်စီး ကြားကာလအချိန် (interval) များသည် ပိုမိုကြာနိုင်သဖြင့် ဖြတ်သန်းသွားလာမှု နှုန်းသည်လည်း လျော့နည်းမည်ဖြစ်သည်။

ဖြတ်သန်းသွားလာနိုင်မှုစွမ်းရည် (passing (or) delivery capacity) [ဘူတာရုံမှ]

ဘူတာရုံမှ ဖြတ်သန်းသွားလာနိုင်မှု စွမ်းရည်ဆိုသည်မှာ သတ်မှတ်အချိန် တစ်နာရီအတွင်း ဘူတာရုံကို ဖြတ်ကျော်သွားနိုင်သည့် အများဆုံးရထား အရေအတွက်ကို ဆိုလိုပါသည်။ ဘူတာရုံသို့ ရထားချဉ်းကပ်မှု (approaching) ဖြစ်စဉ်သည် ဘူတာတစ်ခုနှင့် တစ်ခုကြားနယ်မြေကို ရထားများဖြတ်ကျော်ရသည်ထက် ပိုမိုခက်ခဲပါသည်။ ရပ်နားဘူတာအ၀င် ရထား၏တုန်ခါမှု၊ ဘူတာရုံတွင် ကြာရှည်စွာ ရပ်ထားရမှု၊ ၎င်းကြောင့် ဘူတာရုံမှ အထွက် ကြန့်ကြာစွာ အချိန်ယူရမှု ထို့ကြောင့်ဘူတာရုံမှ ဖြတ်သန်းသွားလာနိုင်မှု စွမ်းရည် ကျဆင်းတတ်ပါသည်။


ထို့အပြင် ဘူတာရုံမှ ဖြတ်သန်းသွားလာမှုသည် ရထားရောက်ရှိ/ထွက်ခွာ အဓိက လမ်းမကြီးပေါ်တွင်သာမက၊ တွဲလှည့် (ရထားခေါင်း ချိန်း/ပြောင်း လဲလှယ်နေရာ လမ်းကြောင်း)၊ အခြားလမ်းခွဲများပေါ် မူတည်၍ ထပ်မံဖြည့်စွက်ချိန်များ လိုအပ်လာပါသည်။ ထို့ကြောင့် ဖြတ်သန်းသွားလာနိုင်မှု စွမ်းရည် ကျဆင်းပါသည်။

ကြားကျသော ဘူတာ (Intermediate station) တစ်ခု၏ အဓိက လမ်းကြောင်းပေါ်တွင် ဖြတ်သွားသော အင်တာဗယ် (interval)ကို တွက်ချက်ပါမည်။ ဘူတာရုံ၏ ပလက်ဖောင်း တည်ရှိရာနေရာကို အင်္ဂလိပ် အက္ခရာ A ဖြင့်ယူဆပါမည်။ အောက်ပါပုံကို ကြည့်ပါ။

ဘူတာရုံကိုဖြတ်သွားသော ရထားများ၏ interval ပြပုံ

ချဉ်းကပ်ချိန် (approaching time) t_подх ဟု ခေါ်သည့် အ၀င်မီးပွိုင့်မှ ပလက်ဖောင်းရှိရာ မှတ်တိုင်ဆီသို့ ရထားဖြတ်သွားရန် အကွာအဝေးအတွက် လိုအပ်သောအချိန်အတွင်းတွင် blocking လုပ်ရာနေရာတွင် လိုအပ်မည့်အချိန်နှင့် Protective area ကို ဖြတ်ကျော်ရမည့် အချိန်များတွက်ချက်မှုအားလုံး အကျုံးဝင်ပါသည်။ ရထားရပ်နားချိန် t_осm၊ Protective area မှ ဖြတ်ကျော်သွားသော ရထား၏အမြီးဆုံး၊ ရထားထွက်ခွာပြီးချိန် t_yx အတွက်ထပ်မံ ဖြည့်စွက်ချိန်များ လိုအပ်လာပါသည်။ ထိုအခြေအနေတွင် ဘူတာရုံတွင် ရထားရပ်နားစဉ် အချိန်တွက်ချက်မှု အပါအ၀င် အင်တာဗယ်လ်များ ပိုင်းဖြတ်မှုကို အောက်ပါ ပုံသေနည်းအတိုင်း ရရှိပါမည်။

Y_cm = t_b + t_cm + t_подх + t_ocm + t_yx + t_сп + t_п + t_рез , (စက္ကန့်)

သင်္ကေတများကို တခုချင်း ရှင်းပြပါမည်။

t_b = အချက်ပြမှုကို စက်ခေါင်းအဖွဲ့များ (စက်ခေါင်းမှုး+ဒု-စက်ခေါင်းမှုး) သိရှိပြင်ဆင်ချိန် (၂စက္ကန့်)
t_cm = ဘရိတ်အုပ်ချိန် (Time of service break application)၊ (၁၂ စက္ကန့်)
t_подх = အ၀င်မီးပွိုင့်မှ ပလက်ဖောင်းတွင် ရပ်နားချိန်အပြည့်အဝ ပြုလုပ်ရန် ရထားဖြတ်သွားရမည့် လိုအပ်သော ချဉ်းကပ်ချိန် (approaching time)၊ rush hour (စတေရှင်တွင် ခရီးသည် အထူထပ်ဆုံးအချိန်)များတွင် များစွာသော တိုင်းထွာချက်များ (multiple measurements) အရ - (၁၈) စကန့်မှ (၂၁) စက္ကန့်ကြား
t_ocm = ဘူတာရှိ အဓိကလမ်းမကြီးတွင်ရပ်နားချိန် - (၁၅) စက္ကန့်မှ (၃၀) စက္ကန့်ကြား
t_yx = ရပ်နားမှုအပြီး ရထားထွက်ခွာရန် သတ်မှတ်မီးပွိုင့် စတင်အချက်ပြသောအချိန်
t_сп = signaling ကိရိယာများ၏ အကူအညီဖြင့် စက်ခေါင်အဖွဲ့ ပြင်ဆင်လုပ်ဆောင်ချိန် (၃ စက္ကန့်)
t_рез = မီးစိမ်းအား ရထားတိကျစွာ ဖြတ်သန်းနိုင်ခြင်းမရှိပါက ပြသထားသော မီးစိမ်း၏ အရံချိန် (၅စက္ကန့်)

ရထားထွက်ခွာချိန် t_yx ကို သတ်မှတ်ရာတွင် နယ်မြေနှစ်ခု သတ်မှတ်ပါမည်။ ရထားအမြှီး (နောက်ဆုံးပိတ်တွဲ) သည် အထွက်မီးပွိုင့် (exit traffic light) ရှိရာ ပလက်ဖောင်းနှင့် protective zone (ပုံတွင် защитный участок ဟုရေးထားသောနေရာ) ကိုဖြတ်ကျော်ပြီးသည်အထိ (၁၈) မှ (၂၀) စက္ကန့် ကြားသတ်မှတ်ပါသည်။ ၎င်းအချိန်တွင် ရထားသည် တစ်နာရီ (၄၅) ကီလိုမီတာ (တစကန့် ၁၂.၅ မီတာ) အရှိန်ဖြင့် ဖြတ်သန်းပါက၊ protective zone ကိုဖြတ်သန်းရမည့်အချိန်သည်-

(၂၂၀) သည် protective zone အရှည်ဖြစ်၍ ၂၂၀ မီတာဖြစ်ပါသည်။

တွက်ချက်ထားသော တန်ဖိုးများကို ပုံသေနည်းတွင် အစားထိုးပါက
အင်တာဗယ် (interval) Y_cm = ၂ + ၁၁ + ၂၁ + ၂၀ + ၃၇ + ၃ + ၁၀ + ၅ = ၁၀၉ (စက္ကန့်)

အင်တာဗယ် (interval) ကို သိပြီးနောက် ဘူတာရုံမှ ဖြတ်သန်းသွားလာမှုနှုန်းကို တွက်ချက်သော်-

အထက်ပါ တွက်ချက်မှုမှ ဘူတာရုံမှ ဖြတ်သန်းသွားလာမှုနှုန်းသည် ဘူတာနှစ်ခုကြား နယ်မြေတွင် သွားလာမှုနှုန်းထက် သိသိသာသာ နိမ့်ကျလျှက်ရှိသည်ကို တွေ့ရှိရပါသည်။ ထို့ကြောင့်လက်တွေ့အသုံးချရာတွင် ဘူတာရုံမှလွှတ် (passing) နိုင်မှုပေါ်မူတည်၍ ဘူတာကြားနယ်မြေတွင် ဖြတ်သန်းသွားလာမှုမှာ တစ်နာရီ ၃၃ စင်း - ၃၄ စင်းအထိသာ ရှိတတ်ပါသည်။

သို့သော် ဖြတ်သန်းသွားလာနိုင်မှုနှုန်းကို ရထားတစ်စီးနှင့် တစ်စီးကြားအချိန်ကို လျော့ပေးခြင်းဖြင့် မြင့်မားလာစေရန် ပြုလုပ်နိုင်ပါသည်။ ၎င်းအတွက် ဘူတာသို့အ၀င် blocking zone ၏ အရှည်ကို လျော့ချတည်ဆောက်ပြီး ၀ါ၊ စိမ်း၊ နီနှင့် အခြားရောင်တစ်မျိုးပါ အရောင် (၄) မျိုး signal ပြနိုင်သည့် traffic lights များကို အသုံးပြုရပါမည်။

အပြည့်အစုံသို့ »

« အပေါ်သို့

MyMetroworld ၂ နှစ်ပြည့်

ဒီနေ့ဟာ MyMetroworld ဘလော့ဂ်ကို မွေးဖွားခဲ့တာ နှစ်နှစ်တိတိပြည့်တဲ့ နေ့လေးပါ။ အပြောကျယ်ပြီး အပြောင်းအလဲ များလှတဲ့ အင်တာနက် ရေစီးကြောင်းမှာ MyMetroworld’s contributors တွေနဲ့အတူ ကြိုးစားရုန်းကန်ရင်း၊ မိမိတို့ လေ့လာသိရှိသမျှကို အတူမျှဝေ ဖလှယ်ရင်းနဲ့ ဒုတိယ နှစ်ပတ်လည်သို့ တိုင်ခဲ့ပါပြီ။

မျိုးဆက်သစ် ဥမင်နဲ့ မီထရိုပိုလီတန် အင်ဂျင်နီယာတွေအတွက် ရည်ရွယ်ပြီး ပြုစုပျိုးထောင်ခဲ့တဲ့ ဘလော့ဂ်တစ်ခု အနေနဲ့ ဖြတ်သန်းခဲ့တဲ့ နှစ်နှစ်တာ ကာလအတွင်းမှာ New Generation of Metropolitan ဆိုတဲ့ ခေါင်းစဉ်နဲ့အညီ ဒီပညာရပ်နယ်ပယ်ကို လေ့လာ သင်ယူနေသူတွေအတွက် အသိပညာ တိုးစေမယ့်၊ (တနည်း) သင်ကြားရေးကို တဖက်တလမ်းက အထောက်အကူ ဖြစ်စေမယ့် သတင်း၊ နည်းပညာဆောင်းပါး၊ ဓာတ်ပုံ၊ ဗီဒီယို စသည်ဖြင့် ကဏ္ဍစုံလင်စွာ မြိုင်မြိုင်ဆိုင်ဆိုင် တင်ပြပေးနိုင်ခဲ့ပါတယ်။ MyMetroworld မှာ ပါဝင်ရေးသားနေကြတဲ့ သူတွေဟာ မိမိတို့ရဲ့ ကျောင်းစာ (သို့) လုပ်ငန်းခွင်ထဲက တာဝန်များနဲ့ လုံးပန်းနေရသူများ ဖြစ်တာကြောင့် ယခုနောက်ပိုင်းမှာ ပို့စ်များ ကျဲပါးလာတာကိုလည်း ဝန်ခံပါတယ်။

သို့ပေမယ့် တနေ့တလံ ပုဂံဘယ်မရွေ့ ဆိုတဲ့ စကားပုံလေးအတိုင်း ဒီဘလော့ရဲ့ ကနဦး ရည်ရွယ်ချက်တွေ ဖြစ်တဲ့

“Tunneling နဲ့ Metropolitan အင်ဂျင်နီယာ နယ်ပယ်၌ လေ့လာ သင်ကြား နေသူများအတွက် တဖက်တလမ်းမှ အထောက်အကူ ဖြစ်စေရန်၊ မိမိတို့ လေ့လာ တွေ့ရှိသည်များကို ပြန်လည်ဝေမျှ ပေးနိုင်စေရန်နှင့် အနာဂတ် မြန်မာဥမင် အင်ဂျင်နီယာများ အတွက် အားထား လေ့လာရမည့် ဘလော့ဂ်တစ်ခု ဖြစ်စေရန်”

ဆိုတဲ့ ရည်မှန်းချက်တွေကို တစိုက်မတ်မတ်နဲ့ ဆက်လက် အကောင်အထည်ဖော်သွားမှာပါ။

မြန်မာ ဘလော့ဂိုစဖီးယားကြီးထဲမှာ သိက္ခာရှိရှိ အဆင့်အတန်းရှိရှိ ရပ်တည်နိုင်ဖို့ ဝိုင်းဝန်းအားဖြည့် ကူညီပေးခဲ့ကြတဲ့ အနယ်နယ်၊ အရပ်ရပ်က မိတ်ဆွေများအားလုံး၊ ပို့စ်များကို အချိန်ပေးပြီး ရေးသားပေးပို့ခဲ့ကြတဲ့ ဘဝတူ အင်ဂျင်နီယာ ညီအစ်ကိုများ အားလုံးကို ဒီ ၂ နှစ်ပြည့်ပို့စ်လေးကနေ ကျေးဇူးဥပကာရ တင်ရှိပါကြောင်း ပြောချင်ပါတယ်။

မျိုးဆက်သစ် ဥမင်အင်ဂျင်နီယာများ အနေနဲ့လဲ မိမိတို့ရဲ့ အဖိုးတန်လှတဲ့ အချိန်များကို ရင်းနှီးပေးဆပ်ပြီး ဆည်းပူးခဲ့ရတဲ့ ပညာတွေကို မမေ့မလျော့ အသုံးချနိုင်ဖို့၊ စဉ်ဆက်မပြတ် သင်ယူလေ့လာနေဖို့၊ Life Long Learning ဆိုသလို လေ့လာရင်း၊ သင်ယူရင်း အင်ဂျင်နီယာကောင်းများအဖြစ် အဆင့်အတန်းမီမီ ရပ်တည်နိုင်ရေးဖို့ အရေးကြီးလှသလို မိမိ သင်ယူတတ်မြောက်ထားတဲ့ ပညာတွေကို အကျိုးရှိစွာ ပြန်လည် အသုံးချတတ်ဖို့လဲ လိုပါတယ်။

အနာဂတ် နိုင်ငံတော် တည်ဆောက်ရေးမှာ အင်ဂျင်နီယာကောင်းများအဖြစ် တာဝန်သိသိ၊ သစ္စာရှိရှိ ထမ်းရွက်နိုင်ဖို့အတွက် MyMetroworld ဘလော့ကနေ အုတ်တစ်ချပ်၊ သဲတစ်ပွင့်လောက် ပမာဏမျှ တစုံတရာ အကျိုးပြုပေးနိုင်၊ အထောက်အကူပြု ပေးနိုင်ခဲ့တယ်ဆိုရင်ပဲ ဒီဘလော့လေးကို ဖန်တီးရကျိုးနပ်ပါပြီလို့ ပြောကြားရင်း… ။

MyMetro

အပြည့်အစုံသို့ »

« အပေါ်သို့